Tuesday, June 2, 2009

My Beowulf, Fitt 6: Hrothgar Maþelode

My process is becoming a bit more clear to me. For this sixth installment of my personal Beowulf project, wherein I de-edit the Beowulf text, I am introducing the asterisk (*) to mark the first word of a new manuscript side.

The sixth fitt, covering approximately lines 371 through 455, begins on fol. 138r and extends to fol. 140r. The section ends with a very brief "paragraph" at "onsend."
Hroðgar maþelode helm scyldinga ic hine cuðe cnihtwesende wæs his ealdfæder ecgþeo haten ðæm to ham forgeaf hreþel geata angan dohtor is his eafora nu heard her cumen sohte holdne wine – ðonne sægdon þæt sæliþende þa ðe gifsceattas geata fyredon þyder to þance þæt he .XXX *tiges manna mægencræft on his mundgripe heaþorof hæbbe hine halig god for arstafum us onsende to westdenum þæs ic wen hæbbe – wið grendles gryre ic þæm godan sceal for his modþræce madmas beodan beo ðu on ofeste hât in gân seon sibbegedriht samod ætgædere – gesaga him eac wordum þæt hie sint wilcuman deniga leodum word inne abead – eow het secgan sigedrihten min aldor eastdena þæt he eower æþelu can ond ge him syndon ofer sæwylmas heardhicgende hider wilcuman nu ge moton gangan in eowrum guðgeatawum under heregriman hroðgar geseon lætað hildebord her onbidan wudu wælsceaftas worda geþinges – aras þa se rica ymb hine rinc manig þryðlic þegna heap sume þær bidon heaðoreaf heoldon swa him se *hearda bebead – snyredon ætsomne þa secg wisode under heorotes hrof heard under helme þæt he on heorðe gestod – beowulf maðelode on him byrne scan searonet seowed smiþes orþancum wæs þu hroðgar hal ic eom higelaces mæg ond magoðegn – hæbbe ic mærða fela ongunnen on geogoþe me wearð grendles þing – on minre eþeltyrf undyrne cuð secgað sæliðend þæt þæs sele stande reced selesta rinca gehwylcum idel ond unnyt siððan æfenleoht under heofenes hador beholen weorþeð – þa *me þæt gelærdon leode mine þa selestan snotere ceorlas – þeoden hroðgar þæt ic þe sohte forþan hie mægenes cræft mine cuþon – selfe ofersawon ða ic of searwum cwom – fah from feondum þær ic fife geband yðde eotena cyn ond on yðum slog – niceras nihtes nearoþearfe dreah wræc – wedera nið wean ahsodon forgrand gramum ond nu wið grendel sceal wið þam aglæcan ana gehegan – ðing wið þyrse ic þe nu ða brego beorhtdena biddan wille eodor scyldinga anre bene – þæt ðu me ne forwyrne wigendra hleo freowine folca nu ic þus feorran com – þæt ic mote ana ond minra eorla gedryht – þes hearda heap heorot fælsian hæbbe ic eac geahsod þæt se æglæca for his wonhydum wæpna ne recceð – ic þæt þonne forhicge swa me higelac sie min mondrihten modes bliðe – þæt ic sweord bere oþðe sidne scyld geolorand to guþe ac ic mid grape sceal fon wið feonde ond ymb feorh sacan lað wið laþum ðær gelyfan sceal dryhtnes dome se þe hine deað nimeð – wen ic þæt he wille gif he wealdan môt in þæm guðsele geotena leode etan unforhte swa he *oft dyde mægen hreðmanna na þu minne þearft hafalan hydan – ac he me habban wile dreore fahne gif mec deað nimeð – byreð blodig wæl byrgean þenceð eteð ângenga unmurnlice mearcað morhopu no ðu ymb mines ne þearft lices feorme leng sorgian.

Onsend higelace gif mec hild nime beaduscruda betst þæt mine breost wereð hrægla selest þæt is hrædlan laf welandes geweorc gæð a wyrd swa hio scel.

No comments: