Wednesday, June 17, 2009

My Beowulf, Fitt 9

I was hoping for a short fitt tonight, as I'm a little tired. No luck. This is a long, dramatic section. Fortunately, it woke me up. We travel in this fitt across fol.142v to 145r, lines 560 through 661.
Swa mec gelome laðgeteonan þreatedon þearle ic him þenode deoran sweorde swa hit gedefe wæs næs hie ðære fylle gefean hæfdon manfordædlan þæt hie me þegon symbel ymbsæton sâegrunde neah – ac on mergenne mecum *wunde be yðlafe uppe lægon sweordum aswefede þæt syðþan na ymb brontne ford brimliðende lade ne letton leoht eastan com beorht beacen godes brimu swaþredon þæt ic sænæssas geseon mihte windige weallas wyrd oft nereð unfægne eorl þonne his ellen deah – hwæþere me gesælde þæt ic mid sweorde ofsloh niceras nigene no ic on niht gefrægn under heofones hwealf heardran feohtan ne on egstreamum earmran mannon – hwaþere ic fara feng feore gedigde siþes werig – ða mec sâe oþbær flod æfter faroðe on finnaland – wadu weallendu no ic wiht fram þe swylcra searoniða secgan hyrde billa brogan breca næfre git æt heaðolace ne gehwæþer incer swa deorlice dæd gefremede fagum sweordum no ic þæs swiðe gylpe þeah ðu þinum broðrum to banan wurde heafodmægum þæs þu in *helle scealt werhðo dreogan þeah þin wit duge – secge ic þe to soðe sunu ecglafes þæt næfre grendel swa fela gryra gefremede atol æglæca ealdre þinum – hynðo on heorote gif þin hige wære sefa swa searogrim swa þu self talast – ac he hafað onfunden þæt he þa fæhðe ne þearf atole ecgþræce eower leode swiðe onsittan sigescyldinga nymeð nydbade nænegum arað leode deniga ac he lust wigeð – swefeð ond snedeþ – secce ne weneþ to gardenum ac ic him geata sceal eafoð ond ellen ungeara nu guþe gebeodan gæþ eft se þe môt to medo modig siþþan morgenleoht ofer ylda bearn oþres dogores sunne sweglwered suþan scineð – þa wæs on salum sinces brytta gamolfeax ond guðrof geoce gelyfde *brego beorhtdena gehyrde on beowulfe folces hyrde fæstrædne geþoht ðær wæs hæleþa hleahtor hlyn swynsode word wæron wynsume eode wealhþeow forð cwen hroðgares cynna gemyndig grette goldhroden guman on healle – ond þa freolic wif ful gesealde ærest eastdena eþelwearde bæd hine bliðne æt þære beorþege leodum leofne he on lust geþeah symbel ond seleful sigerof keening ymbeode þa ides helminga duguþe ond geogoþe dæl æghwylcne sincfato sealde oþþæt sæl alamp þæt hio beowulfe beaghroden cwen mode geþungen medoful ætbær – grette geata leod gode þancode wisfæst wordum þæs ðe hire se willa gelamp þæt heo on ænigne eorl gelyfde fyrena frofre he þæt ful geþeah wælreow wiga *æt wealhþeon – ond þa gyddode guþe gefysed beowulf maþelode bearn ecgþeowes – ic þæt hogode þa ic on holm gestah – sæbat gesæt mid minra secga gedriht þæt ic anunga eowra leoda willan geworhte oþðe on wæl crunge – feondgrapum fæst ic gefremman sceal eorlic ellen oþðe endedæg on þisse meoduhealle minne gebidan – ðam wife þa word wel licodon gilpcwide geates eode goldhroden – freolicu folccwen to hire frean sittan.

Þa wæs eft swa ær inne on healle þryðword sprecen ðeod on sælum sigefolca sweg oþþæt semninga sunu healfdenes secean wolde æfenræste – wiste þæm ahlæcan to þæm heahsele hilde geþinged siððan hie sunnan leoht geseon ne meahton oþðe nipende niht ofer ealle scaduhelma gesceapu scriðan cwoman wan under wolcnum werod eall aras – grette þa guma oþerne hroðgar beowulf ond him hæl abead – winærnes *geweald ond þæt word acwæð.

Næfre ic ænegum men ær alyfde siþðan ic hond ond rond hebban mihte ðryþærn dena buton þe nu ða hafa nu ond geheald husa selest gemyne mærþo mægenellen cyð waca wið wraþum – ne bið þe wilna gâd gif þu þæt ellenweorc aldre gedigest.

No comments: