Monday, August 31, 2009

My Beowulf, Fitts 31 and 32

Here are fitts 31 and 32 (remembering that there is no fitt 30), roughly lines 2144 (fol. 177r) to 2311 (fol. 181r). These were by far the toughest pages to work. Not only are there many missing letters because of the damage to the manuscript, but the pointing is fairly dense.

I'm ready to work through the rest of the sections and get this first pass finished!
Swa se ðeodkyning þeawum lyfde nealles ic ðam leanum forloren hæfde mægnes mede ac he me *[maðma]s geaf sunu healfdenes on [min]ne sylfes dôm – ða ic ðe beorncyning bringan wylle – estum geywan gen is eall æt ðe – lissa gelong ic lyt hafo – heafodmaga nefne hygelac ðec – het ða in beran eaforheafodsegn – heaðosteapne helm hare byrnan guðsweord geatolic gyd æfter wræc – me ðis hildesceorp hroðgâr sealde snotra fengel sume worde het þæt ic his ærest ðe est gesægde cwæð þæt hyt hæfde hiorogar cyning leod scyldunga lange hwile – no ðy ær suna sinum syllan wolde hwatum heorowearde þeah he him hold wære – breostgewædu bruc ealles well – hyrde ic þæt þam frætwum feower mearas – lungre gelice last weardode – æppelfealuwe he him est geteah meara ond maðma swa sceal *mæg don – nealles inwitnet oðrum bregdon dyrnum cræfte deað ren[ian] hondgesteallan hygelace wæs niða heardum – nefa swyðe hold ond gehwæðer oðrum hroþra gemyndig – hyrde ic þæt he ðone healsbeah hygde gesealde wrætlicne wundurmaððum ðone þe him wealhðeo geaf ðeod[nes] dohtor þrio wicg somod swancor ond sadolbeorht hyre syððan wæs æfter beahðege breost geweorðod – swa bealdode bearn ecgðeowes – guma guðum cuð godum dædum dreah æfter dome nealles druncne slog – heorðgeneatas næs him hreoh sefa – ac he mancynnes mæste cræfte – ginfæstan gife þe him god sealde heold hildedeor hean wæs lange swa hyne geata bearn godne ne tealdon – ne hyne on medobence micles wyrðne – *drihten wedera gedon wolde swyðe [wen]don þæt he sleac wære æðeling unfrom edwenden cwom tireadigum menn torna gehwylces – het ða eorla hleo in gefetian – heaðorof cyning hreðles lafe – golde gegyrede næs mid geatum ða sincmaðþum selra on sweordes had – þæt he on biowulfes bearm alegde – ond him gesealde seofan þusendo – bold ond bregostôl him wæs bam samod on ðam leodscipe lond gecynde eard eðelriht oðrum swiðor – side rice þam ðær selra wæs – eft þæt geiode ufaran dogrum – hildehlæmmum syððan hygelac læg – ond heardrede hildemeceas under bordhreoðan to bonan wurdon – ða hyne gesohtan on sigeþeode hearde hildefrecan heaðoscilfingas – niða genægdan – nefan hererices syððan *beowulfe brade rice on hand gehwearf he geheold tela fiftig wintra wæs ða frod cyning eald eþelweard oððæt ôn ongan deorcum nihtum draca rics[i]an se ðe on hea[ð]ohlawe hord beweotode stanbeorh steapne stig under læg eldum uncuð þær on innan giong – niða nathwylc ==== === gefeng hæðnum horde hond ======== since fahne he þæt syððan ===== þ===ð= == slæpende besyre ====de þeofes cræfte þæt sie ðiod ========= folc beorna þæt he gebolge[n] wæs

.XXXII.
Nealles mid gewealdum wyrmhord abræc sylfes willum se ðe him sare gesceod ac for þreanedlan þ[egn] nathwylces hæleða bearna heteswengeas fleoh [–] ===== þearfa ond ðær inne fealh secg synbysig sona mwatide þæt ===== ðam gyst= ===== broga stod hwæðre ==== sceapen

sceapen

se fâes begeat sincfæt

þær wæs swylcra fela in ðam eorð[hu]se ærgestreona swa hy on geardagum gumena nathwylc eormenlafe æþelan cynnes þanchycgende þær gehydde – deore maðmas ealle hie deað fornam ærran mælum – ond se an ða gen leoda duguðe se ðær lengest hwearf weard winegeomor wende þæs ylcan þæt he lytel fæc longgestreona brucan moste beorh eallgearo wunode on wonge wæteryðum neah niwe be næsse nearocræftum fæst þær on innan bær eorlgestreona hringa hyrde hordwyrðne dæl fættan goldes fea worda cwæð – heald þu nu hruse – nu hæleð ne moston eorla æhte hwæt hyt ær on ðe gode begeaton guðdeað fornam – feorhbealo frecne fyra gehwylcne – leoda minra þara ðe þis lif ofgeaf gesawon seledream == *nah hwa sweord wege oððe fe[o]r[mie] fæted wæge – dryncfæt deore dug[uð] ellor sceoc sceal se hearda helm [hyr]sted golde fætum befeallen feormynd swefað – þa ðe beadogriman bywan sceoldon – ge swylce seo herepâd sio æt hilde gebâd ofer borda gebræc bite irena brosnað æfter beorne ne mæg byrnan hring æfter wigfruman wide feran hæleðum be healfe næs hearpan wyn – gomen gleobeames ne gôd hafoc geond sæl swingeð ne se swifta mearh burhstede beateð bealocwealm hafað fela feorhcynna forð onsended.

Swa giomormod giohðo mænde – an æfter eallum unbliðe hwe[op] dæges ond nihtes oððæt deaðes wylm hrân æt heortan hordwynne fond eald uhtsceaða opene standan se ðe byrnende biorgas seceð – nacod niðdraca nihtes fleogeð fyre befangen hyne foldbuend *[swiðe ondræ]da[ð] he gesecean sceall [ho]r[d] [on] hrusan þær he hæðen gold warað wintrum frod ne byð him wihte ðy sel – swa se ðeodsceaða þreo hund wintra – heold on hrusan hordærna sum eacencræftig oððæt hyne ân abealch mon on mode mandryhtne bær – fæted wæge frioðowære bæd hlaford sinne ða wæs hord rasod onboren beaga hord bene getiðad feasceaftum men frea sceawode – fira fyrngeweorc forman siðe – þa se wyrm onwôc wroht wæs geniwad – stonc ða æfter stane stearcheort onfand feondes fotlast he to forð gestop – dyrnan cræfte dracan heafde neah – swa mæg unfæge eaðe gedigan wean ond wræcsið se ðe waldendes hyldo gehealdeþ hordweard sohte georne æfter grunde wolde guman findan – þone þe him on sweofote sare geteode – hat ond hreohmod *hlæwum oft ymbehwearf ealne utanweardne ne ðær ænig mon on þære westenne hwæðre wiges gefeh bea[du] weorces hwilum on beorh æthwearf sincfæt sohte he þæt sona onfand ðæt hæfde gumena sum goldes gefandod heahgestreona hordweard onbâd earfoðlice oððæt æfen cwom wæs ða gebolgen beorges hyrde – wolde se laða lige forgyldan drincfæt dyre – þa wæs dæg sceacen wyrme on willan no on wealle læg bidan wolde ac mid bæle fôr fyre gefysed wæs se fruma egeslic leodum on lande swa hyt lungre wearð on hyra sincgifan sare geendod:—

No comments: